Өскемен мен ШҚО Бірлік күнін Өскемен қалай атап өтпек?
1 мамыр – Қазақстан халықтарының бірлігі күні
Бұл күні облыс орталығында бірқатар мерекелік шаралар жоспарланған, деп хабарлайды Устинка LIVE тілшісі.
Сағат 11.00-де сол жағалау кешенінде қаланың әртістері мен шығармашылық ұжымдарының қатысуымен мерекелік концерт өтеді. Мерекелік сауда-саттық, спорттық жарыстар мен ұлттық ойындар, қолөнер бұйымдарының көрмесі ұйымдастырылады.
Сағат 12.00-де Достық үйінде (ММҮ) "Ел бірлігі – ел теңдігі" концерттік бағдарламасы жоспарланған.
Сағат 11.00-де Жастар, Жамбыл атындағы саябақтарда "Бір аспан астында" тақырыбы аясындағы концерт-ойын-сауықтық бағдарлама жоспарланған.
Сонымен қатар, бұл күні субұрқақтар қосылады. Республика алаңындағы субұрқақ сағат 9.00-ден 23.00-ге дейін, басқалары 10.00-ден 20.00-ге дейін іске қосулы болады.
"Металлургтер", "Самал", "Жамбыл" және этносаябақтардың ашылуы да осы күнге жоспарланған.