Өскемен мен Риддерде қолайсыз метеорологиялық жағдай жарияланды

"Қазгидромет" РМК ШҚО бойынша Өскемен және Риддер қалаларында ертең түнгі 21.00-ге дейін ҚМЖ сақталатынын ескертті, деп хабарлайды Устинка LIVE тілшісі.

20 сәуір сағат 21.00-ден 21 сәуір сағат 21.00-ге дейін Өскемен және Риддер қалалары бойынша күтіліп отырған қолайсыз метеорологиялық жағдайларға байланысты ҚМЖ туралы екінші дәрежелі ескертуі сақталады, - деп мәлімдеді мекеменің баспасөз қызметі.

Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.