Өскемен мен ШҚО ШҚО-ға егін егуге 20 мың тонна арзандатылған дизель отыны бөлінді
Биыл Шығыс Қазақстан облысында 653 мың га аумаққа егін егілмек
ШҚО әкімдігі бүгінде көктемгі егіс жұмыстарына толық дайын екендігін және техника 98%-ға дайын екенін жеткізді, деп хабарлайды Устинка LIVE тілшісі.
Дәнді және дәнді-бұршақты дақылдарды егуге арналған алаң 285 мың га немесе 44%, майлы дақылдар - 214 мың га (33%), жемшөп дақылдары - 135 мың га (21%), картоп, көкөніс, бақша дақылдары 19 мың га (2%) құрады, - делінген әкімдік ақпаратында.
Осы орайда айта кеткен жөн, көктемгі егіс жұмыстарын жүргізу үшін облысқа Павлодар мұнай өңдеу зауытынан 20 мың тонна арзандатылған дизель отыны бөлінді. Сонымен қатар, топырақтың құнарлылығын арттыру үшін 25 мың тонна минералды тыңайтқыштар енгізу жоспарланған, бүгінгі таңда 17,5 мың тоннасы төленді.
Көктемгі егіс жұмыстарын табысты жүргізу үшін 4 млрд теңгеден астам субсидия түрінде мемлекеттік қолдау көзделген Оның ішінде: тұқым шаруашылығын қолдауға 1 120,9 млн теңге, минералды тыңайтқыштардың құнын арзандатуға 1 617,5 млн теңге, пестицидтердің құнын арзандатуға 1 301,4 млн теңге, жеткізу қызметтерінің құнын субсидиялауға суармалы су 49,3 млн теңге, - делінген хабарламада. - Ағымдағы жылы ШҚО облысының Ауыл шаруашылығы құрылымдары үшін "Аграрлық несие корпорациясы" АҚ 8 млрд теңге несие қаражатын, оның ішінде "Кең дала" бағдарламасы бойынша көктемгі дала жұмыстарын жүргізуге 1 млрд теңге беру жоспарлануда.
