Өскемен мен ШҚО Өскемендегі сауда үйінің дәретханасында жасөспірімді аямай соққыға жыққан
Қоғамдық резонанс тудырғандардың кім екені анықталды
Әлеуметтік желіде кешеден бері облыс орталығындағы сауда үйлерінің бірінде жасөспірімді өзі қатарлас қыздың аямай соққыға жыққаны бейнеленген видео тарауда, деп хабарлайды Устинка LIVE тілшісі.
Видео авторы бұл АДК сауда үйінің дәретханасында орын алған оқиға екенін жазған. Онда белгісіз қыз бала екіншісін аямай соққыға шығып, үстіндегі киімін шешіп алып жатқанын аңғаруға болады. Бұл желі қолданушылары арасында қызу талқыға түсіп, тиісті органдардың дереу осы істі қолға алуларын талап етуде.
Бұл оқиғаға қатысты ШҚО ПД баспасөз қызметі жауап берді.
Аталған жарияланымға қатысты Шығыс Қазақстан облысы Полиция департаменті оқиғалар бір айдан астам уақыт бұрын, яғни ағымдағы жылдың 1-2 наурызында болғанын хабарлайды. Бұл факті ҚР ҚК-ның 293-бабы 2-бөлігі бойынша Өскемен қалалық ПБ Ертіс ПБ СДТБТ-да тіркелген. Қазіргі уақытта сотқа дейінгі тергеу жүргізілуде. Тергеу мүддесінде ҚР Қылмыстық-процестік кодекстің 201-бабына сәйкес өзге де мәліметтер жария етілуге жатпайды, - делінген ақпаратта.
