Өскемен мен ШҚО ШҚО-да қар жауып, бұрқасын болады деп күтіледі
Ертең облыстың кей өңірінде қатты жаңбыр жауса, түнде қар жаууы мүмкін
"Қазгидромет" ШҚО филиалының ақпараты бойынша 30 наурызда күндіз облысынның солтүстігінде, шығысында жауын-шашын (көбінесе жаңбыр) күтіледі, деп хабарлайды Устинка LIVE тілшісі.
Жел батыстан, солтүстік-батыстан соғады, күндіз облыстың солтүстігінде, оңтүстігінде, орталығында 15-20, екпіні 25 м/с. Ал Өскемен қаласында күндіз солтүстік-батыстан жел соғады, екпіні 15 м/с дейін жетеді.
31 наурызда облыста жауын-шашын (жаңбыр, қар), түнде облыстың солтүстігінде, шығысында қатты қар, жаяу бұрқасын күтіледі. Жұма, сенбі күндері солтүстік-шығыстан жел соғады, облыстың солтүстігінде, оңтүстігінде, орталығында желдің күші 15-20 м/с, екпіні 23-28 м/с, түнде кей уақыттарда екпіні 30 м/с және одан да асады деп күтіледі.
31 наурызда түнде ауа температурасы -5-10ºС, облыстың солтүстік-шығысында -15ºС дейін төмендеуі күтіледі.
Қарлы бұрқасын мен қалың жауын-шашын кезінде жолдың көрінуі нашарлайды, көктайғақ болады, соған байланысты кептелістер, жол-көлік оқиғасы орны алуы мүмкін. Сол себепті сақтық шараларын қатаң сақтаған жөн.
Сондай-ақ, ауа райының қолайсыздығына байланысты тұрғындар елді мекендердің сыртына шығудан бас тартуы керек.
