Өскемен мен ШҚО ШҚО-да терроризмге қарсы жаттығу басталды
Өңірде 27-31 наурыз аралығында терроризмге қарсы жаттығу өтеді
Фото:
ашық дереккөзден
Осыған орай бірқатар шектеу шаралары қарастырылғанын ескертті Терроризмге қарсы күрес жөніндегі Шығыс Қазақстан облыстық жедел штабы, деп хабарлайды Устинка LIVE тілшісі.
Оқу-жаттығу барысында террористік тұрғыдан осал объектілерде террористік жағдайдың өрбуіне байланысты жедел қимылдау шаралары пысықталуда, - делінген ақпаратта. - Сонымен қатар, бірқатар шектеу шаралары, соның ішінде көлік құралдарының қозғалысындағы шектеулер қарастырылған.
Облыс тұрғындарын уақытша шектеулерге түсіністікпен қарауға, қауіпсіздік шараларын және мемлекеттік органдардың заңды талаптарын сақтауға шақырады.