Өскеменде роталық-тактикалық топтардың оқу-жаттығуы өтіп жатыр

Роталық-тактикалық топтардыӊ оқу-жаттығулары жауынгерлік даярлық жоспары бойынша Өскемен гарнизонының әскери оқу-жаттығу полигондарында күндізгі және түнгі уақыттарда өткізілуде, деп хабарлайды Устинка LIVE Өскемен гарнизонының баспасөз қызметіне сілтеме жасап.

Жаттығулардыӊ негізгі мақсаты – біріктірілген бөлімшелер мен құрамалардыӊ ортақ тапсырманы орындау кезеңдеріндегі үйлесімділігін және кәсіби шеберлігін бағалау. Жалпы жаттығу үш кезеңнен тұрады.

Алдымен оқу-жаттығуға қатысатын бөлімшелер дабыл бойынша көтеріледі. Екінші кезеңде арнайы әскери іс-қимылдарды жүргізуге дайындық жүргізіледі. Ал үшінші кезеңде заңсыз қарулы топтарды жою жүзеге асырылады. Үш кезеңнен тұратын жаттығуда бөлімше рота-тактикалық топ құрамында жұмыс жасауды меңгеріп, біріктірілген топты басқару кезінде командирлердің біліктілігін арттыру, сондай-ақ дұрыс шешім қабылдауды үйрену маңызды рөл атқарады.

Рота-тактикалық топтардыӊ құрамы өздеріне жүктелген тапсырмаға байланысты жасақталады. Соған орай олар бірігіп марш жасап, қорғаныс әдістерін пысықтап, басып алу амалдарын қарастырумен қоса, басқа да іс-қимылдарды пысықтайды, - деді бөлім командирінің жауынгерлік даярлық жөніндегі орынбасары подполковник Марат Бралинов.

Сондай-ақ, оқу-жаттығуды өткізу барысында жеке құрамныӊ ротаныӊ тірек пунктін инжинерлік жасақтауы, материалдық-техникалық қамтамасыз етуі сынды сынақтарды тапсыру қарастырылған.

Айта кетейік, көктемгі оқу-жаттығу наурыз айының соңына дейін жалғаспақ.