Өскеменде жаңа ЖЭО салына ма?

Сенатор ақпан айының басында Өскемендегі экологиялық жағдай тұрғындардың денсаулығына нақты қауіп төндіріп тұрғанын айтып, жаңа жылу электр орталығын салу туралы ұсыныс білдірген еді.

Сенатордың сауалына Премьер-министр Әлихан Смайылов жауап берді.

Қазіргі уақытта Өскемен қаласында жаңа ЖЭО салу мәселесі қаралып жатқан жоқ. Сонымен қатар, энергетика министрлігі "Жаңа қазандық агрегатын салу және тозған турбоагрегатты ауыстыру" жобасын іске асыру бойынша "Өскемен ЖЭО" ЖШС-мен инвестициялық келісім жасасты. Құрылыс 2025 жылдың желтоқсанында аяқталады деп жоспарланған. Жобаны іске асыру кезінде қоршаған ортаға ластаушы заттардың шығарындыларын азайту үшін заманауи технологиялар қолданылатын болады, - деді Премьер-Министр.