Өскемен мен ШҚО ШҚО-да тұмау жұқтырғандар көп, шошқа тұмауы да тіркелген
Өңірде жіті респираторлық вирустық инфекция (ЖРВИ) және тұмау жұқтырғандар көбейген
Фото:
редакция мұрағатынан
Облыстық санитарлық-эпидемиологиялық бақылау департаменті науқастар жөніндегі статистика жариялады, деп хабарлайды Устинка LIVE тілшісі.
2022 жылдың 1 қазанынан 2023 жылдың 19 қаңтарына дейін ЖРВИ 111 020 тұрғынан анықталған. Науқастардың көпшілігі 14 жасқа толмаған балалар екенін айтуымыз керек.
Эпидемиялық маусым басталғаннан бері 2 380 науқас тұмауға қарсы тексеруден өтті және диагноз 85 адамда расталды. Соның ішінде 72 науқас В типті тұмау вирусын, 13 науқас шошқа тұмауының А вирусын (H1N1) жұқтырған, - деп мәлімдеді облыстық санитарлық-эпидемиологиялық бақылау департаменті.
Тұмау жұқтырғандардың да үштен бірі 14 жасқа толмаған балалар.
