Өскемен мен ШҚО Аукцион арқылы автокөлік алмақ болып ақшасынан айырылды
Өскемен тұрғыны өз танысын алдап, 1 млн-нан астам ақшасын иемденіп алған
Бұл әрекеті үшін айлакер азамат екі жылға бас бостандығынан айырылуы мүмкін, деп хабарлайды Устинка LIVE тілшісі ШҚО ПД баспасөз қызметі сілтеме жасап.
Өскемен қаласындағы Үлбі полиция бөліміне 39 жастағы жергілікті тұрғыннан арыз түскен.
Ол өзінің танысы 2013 жылы шығарылған Hyundai Accent маркалы автокөлікті аукцион арқылы сатып алу сылтауымен оның 1 325 000 теңге сомасындағы ақшалай қаражатын алдап иемденіп алғанын айтқан, - деп хабарлайды ШҚО ПД.
Жедел-іздестіру іс-шараларын жүргізу барысында криминалдық полиция қызметкерлері күдіктіні анықтап, ұстаған. Ол бұрын сотталған 46 жастағы қала тұрғыны болып шыққан, жауап алу кезінде кінәсін мойындаған.
Қазіргі уақытта аталған факті бойынша ҚР ҚК-ның 190-бабы 1-бөлігі «Алаяқтық» бойынша сотқа дейінгі тергеу жүргізілуде. Күдікті екі жылға дейінгі мерзімге шектеу немесе бас бостандығынан айыру түріндегі жазаға тартылады, - делінген хабарламада.