Өскемен мен ШҚО Өскемендегі бес қабатты үйде өрт шығып, 15 адам эвакуацияланды
Өскеменде Бобровская көшесінде 5 қабатты тұрғын үйдің 1-қабатындағы пәтерде өрт шықты
Фото:
ШҚО ТЖД баспасөз қызметінен
Пәтер иесі түтін басқан үйден өзі шыққан. Ал сол үйдің 15 тұрғынын өрт сөндірушілер эвакуациялады, деп хабарлайды Устинка LIVE тілшісі ШҚО ТЖД-ға сілтеме жасап.
Құтқарушылар тұрғындарды уақытша "Вахта" автокөлігіне орналастырды. Өрттен зардап шеккендер жоқ.
Өртті сөндіруге 14 өрт сөндіруші мен 5 техника жұмылдырылды. Өрттің алдын ала себебі - электр жабдықтарын пайдалану кезінде өрт қауіпсіздігі ережелерін сақтамау, - деп хабарлады ШҚО ТЖД баспасөз қызметі.
ШҚО ТЖД Өрт қауіпсіздігі ережелерін сақтауды еске салады.
Өрт кезінде 101 немесе 112 нөміріне хабарлаңыз.
