ШҚО-да ертең қар жауып, бұрқасын болады

"Қазгидромет" ШҚ филиалының ақпараты бойынша жел шығыстан, оңтүстік-шығыстан соғады, облыстың солтүстігінде, шығысында, оңтүстігінде екпіні 15-20 м/с дейін жетеді, деп хабарлайды Устинка LIVE.

Облыс орталығы Өскемен қаласында да бұрқасын, көктайғақ күтіледі.

Қарлы боран, тұман, көктайғақ кезінде жолдың көрінуі нашарлайды. Сондықтан қиындыққа ұшырамас үшін тұрғындар елді мекендердің сыртына шығудан бас тартуы керек.

Автожолдардың жай-күйі, дауылды ескертулер туралы ақпаратты "Дәрмен" ұялы қосымшасынан көруге болады.

Төтенше жағдайлар туындаған кезде 112 телефоны бойынша хабарлау қажет.