Өскемен мен ШҚО Өскемен қаласында жаңа трамвайлар пайда болады
Трамвай паркінің басшылығы жаңа трамвайлар қаңтар айының басында қатынай бастайтындығын мәлімдеді
Бұл бұрын пайдаланылмаған, су жаңа вагондар қыста халыққа ыңғайлы болатынына сенімді парк басшылығы, деп хабарлайды Устинка LIVE тілшісі.
Былтыр қалаға төрт жаңа трамвай сатып алынды. Трамвай жолдарын жаңарту бойынша ірі жоба қолға алынды. Бұл жұмыстардың барлығы қомақты қаржыны талап етеді. Бір жыл ішінде жұмыстардың барлығын 100% орындау мүмкін емес. Бірақ жолаушылар тасымалы мәселесін біртіндеп шешетін боламыз, - деп мәлімдеді Өскемен трамвай паркінің басшылығы әлеуметтік желідегі ресми парақшасында. - Қаңтар айының басында жаңа трамвайлар жолаушыларды тасымалдай бастайтын болады. Жаңа әрі жылы вагондар халыққа ұнайды деген сенімдеміз.
