Өскемен мен ШҚО Жаңа жылда ШҚО ХҚО-лары қалай жұмыс істейді?
Жексенбі, дүйсенбі мен сейсенбі күндері облыстағы халыққа қызмет көрсету орталықтары жұмыс істемейді
"Азаматтарға арналған үкімет" ШҚО бойынша филиалының баспасөз қызметі жаңа жылдық мерекелерде Халыққа қызмет көрсету орталықтарының жұмыс кестесін жариялады, деп хабарлайды Устинка LIVE тілшісі.
Мереке күндері, 1, 2, 3 қаңтарда ШҚО-да ХҚО-лар мен мамандандырылған ХҚО жұмыс істемейді, - делінген хабарламада. - Бұл ретте облыс орталығындағы кезекші ХҚО мен мамандандырылған ХҚО сенбі, 31 желтоқсанда жұмыс істейтін болады. Өскемен қаласында кезекші №3 ХҚО – Белинский көшесі, 37 а мекенжайы бойынша, оның жұмыс кестесі 9.00-ден 13.00-ге дейін, ал Абай көшесі, 203/3 мекенжайы бойынша орналасқан мамандандырылған ХҚО мемлекеттік қызметтер бойынша өтінімдерді сағат 9.00-ден 13.00-ге дейін қабылдайды. Құжаттарды беру сағат 9.00-ден 15.00-ге дейін жүргізіледі.
Сонымен қатар, мемлекеттік корпорация мемлекеттік қызметтердің 95%-ы онлайн режимінде қолжетімді екенін еске салады. Сондай-ақ, мемлекеттік қызметтерді мереке және демалыс күндері де онлайн eGov.kz, "ХҚО" қосымшасы, egovkzbot2.0 телеграм-боты, Egovmobile мобильді қосымшасы және Kaspi және Halyk Homebank банктік қосымшалары арқылы да ала алатыныңызды ұмытпаған жөн.