Өскемен мен ШҚО Шыршаны кесіп, сатқандар әкімшілік жауапқа тартылады
ШҚО аумағында 15-31 желтоқсан аралығында полиция қызметкерлері мен орман қорғау органдары бірлесіп рейд жүргізеді
Тәртіп сақшылары Жаңа жыл қарсаңында қылқан жапырақты ағаштарын заңсыз кесу, дайындау, тасымалдау және сату фактілерін анықтау және жолын кесуде белсенділік танытуда, деп хабарлайды Устинка LIVE тілшісі.
Полиция, орман шаруашылығы және жануарлар әлемі инспекцияларының, сондай-ақ жергілікті атқарушы органдардың қызметкерлері қатарынан 28 мобильді топ құрылған.
Аңшылық шаруашылықтарына және ерекше қорғалатын табиғи аумақтарға кіреберіс жолдарға бекеттер қойылды. Сондай-ақ, базарларда және басқа жерлердегі шыршасауджасының заңдылығына бақылау күшейтілді.
12 күн ішінде ШҚО құқықтық тәртіп сақшылары өсімдіктер әлеміне зиян келтіру бойынша 9 құқық бұзушылықты анықтады. Олардың ішінде ағаштарды заңсыз кескені үшін 1 әкімшілік құқық бұзушылық (ҚР ӘҚБтК-ның 381-бабы, 1-бөлігі), жасыл желектерді бүлдіру бойынша (ҚР ӘҚБтК-ның 386-бабы) 3 факт және белгіленбеген жерде шырша бұтақтарын сату бойынша (ҚР ӘҚБтК-ның 204-бабы) 5 факт тіркелді, - деп хабарлады ШҚО ПД баспасөз қызметі.
ШҚО ПД облыс аумағында бұл акция 30 желтоқсанға дейін жалғасатынын еске салады.
