Өскемен мен ШҚО Өскемен тұрғыны біреудің көлігін жөндеу үшін 4 млн теңге алып, алдап кеткен
Полиция қызметі күдіктіні ұстағанымен, ақша иесіне қайтарылмады
Өскеменде жүк көліктерін жөндейтін азамат танысынан қызметі үшін алдын ала ақша алып, міндетін орындамаған, деп хабарлайды Устинка LIVE тілшісі ШҚО ПД баспасөз қызметіне сілтеме жасап.
43 жастағы алданған азамат Солжағалау полиция бөлімінің кезекші бөліміне жүгінген. Оның айтуынша, танысы жүк көліктерін жөндеп беремін деп 4 млн теңгені алған, бірақ көліктерді жөндеусіз қалдырған. Ақшаны да қайтармаған.
Жедел-іздестіру іс-шараларын жүргізу барысында полицейлер күдіктінің кім екенін анықтаған. Ол 39 жастағы Өскемен қалаының тұрғыны болып шыққан, жауап алу барысында ол өз кінәсін мойындаған. Алайда қолма-қол ақшаны қайтарып алу мүмкін болмады, - деп хабарлады ШҚО ПД баспасөз қызметі. - Ұсталған адамға қатысты келуге міндеттеу түріндегі процестік мәжбүрлеу шарасы таңдалды. Осы факті бойынша ҚР ҚК-ның 190-бабы 3-бөлігімен сотқа дейінгі тергеу жүргізілуде.
