Өскемен мен ШҚО Өскеменде қоқысты ақылы түрде қабылдайтын орын ашылды
Пункт "Таза қала" бағдарламасы аясында іске қосылып отырған алғашқысы
Алдағы уақытта "Өскеменспецкоммунтранс" және "Өскемен Тазалық" кәсіпорындары осы секілді кем дегенде 10 орын ашатын болады, деп хабарлайды Устинка LIVE тілшісі Өскемен қалалық әкімдігіне сілтеме жасап.
Мұнда макулатура, полиэтилен, картон және алюминий тапсырып, ол үшін сыйақы алуға болады. Жиналған қоқыс Қазақстанның өңдеуші кәсіпорындарына жіберіледі. Бұл бастаманың қаламызды таза етуге септігін тигізетіні сөзсіз, - деп атап өтті Өскемен қаласының әкімі Жақсылық Омар.
Алғашқы пункт Якутская, 73 мекенжайында орналасқан (Виноградов көшесіндегі 25-ші үйдің маңында). Дүйсенбіден басқа күндері жұмыс істейді. Жұмыс тәртібі - сағат 10.00-ден 18.00-ге дейін.