Өскемен мен ШҚО ШҚО-да 40-қа жуық шетелдік азамат жауапқа тартылды
ШҚО ПД көші-қон қызметі облыс аумағында үш күн бойы "Құқықтық тәртіп" жедел алдын алу шарасын өткізді
Облыста уақытша және тұрақты тұратын шетел азаматтарының тіркелген мекенжайлары, сондай-ақ қабылдаушы тұлғалардың оларға шетелден қонақтар келгені туралы уақтылы хабарлағандарын тексерді,деп хабарлады ШҚО ТЖД баспасөз қызметі.
Үш күн ішінде көші-қон заңнамасын бұзғаны үшін тәртіп сақшылары 98 азаматты әкімшілік жауапкершілікке тартқан, олардың 39-ы шетелдіктер. Сондай-ақ, олардың екеуі Қазақстан шекарасынан шығарылды, - деп хабарлады ШҚО ПД.
ШҚО ПД көші-қон қызметі жеке және заңды тұлғаларға шетелден қонақ келсе, 3 күн ішінде көші-қон қызметіне хабар беруге міндетті екенін ескертеді. Уақтылы хабарламаған жағдайда шетелдіктерді қабылдаушы тұлғалар әкімшілік жауапкершілікке тартылады.