Өскемен мен ШҚО ШҚО-дағы қайғылы жағдайдан соң қауіпті аумақтарға күзет қойыла бастады
Самар ауданында мұз жарылып, көлік суға түсіп кеткен жерді енді полиция күзетеді
Бұқтырма су қоймасындағы қайғылы жағдайдан соң қауіпті жерлерге күзет қойыла бастады, деп хабарлайды Устинка LIVE тілшісі.
Естеріңізге сала кетейік, жақында Самар ауданында көлік мұз астына кетіп, әйел адам көз жұмған болатын.
ШҚО ТЖД мәліметінше, Самар ауданындағы Бұқтырма су қоймасында көлік жүргізушілеріне мұз үстімен жүруге тыйым салынған. Алайда бұл ескертуді елемейтіндер де бар.
Мұз үстінде көліктердің қозғалысына тосқауыл қою үшін тәулік бойы жұмыс істейтін стационарлық бекет қойылды. Онда полиция қызметкерлері кезекшілік етуде, - делінген ақпаратта.