Өскемен мен ШҚО "Жас сарбаздар" сыныбының тәрбиеленушілері ант берді
Өскемен қаласынының №49 жалпы білім беру мектебіндегі "Жас сарбаздар" сыныбының оқушылары ант қабылдады
Білім ошағында "Жас сарбаздар" сыныбы оқушыларының бойында патриоттық сезімді дамыту, жасөспірімдерді әскери қызметке баулу мақсатын көздейтін іс-шарада салтанатты түрде 96 оқушысы "Отаны - Егеменді Қазақстанға адал қызмет етуге" ант берді, деп хабарлайды Устинка LIVE тілшісі Өскемен гарнизонының баспасөз қызметі ақпаратына сүйеніп.
Әскери антты қабылдау арқылы біз оқушыларға Қазақстан азаматтары үшін Қарулы күштер қатарында қызмет етудің маңыздылығын ұғындырып, бұл ерлікке баулитын өмір екенін, Отанды қорғау, елін, жерін сүю, құрметтеу, отансүйгіштік, ұлтжандылық, намыс-жігер, шыңдалу ұғымын терең түсіндіреміз, - деді "Жас сарбаздар" және "Жас құтқарушылар" сыныбының жетекшісі Жасұлан Бекболатұлы.
Ант қабылдау рәсімін ұйымдастыруға, оқушылардың бойындағы патриоттық сезімді нақты іс-жүзінде қалыптастыруға 27943 әскери бөлімінің әскери қызметшілері өз үлестерін қосты.