Өскемен мен ШҚО Cуға батып кеткен әйелдің денесі табылды
ШҚО ТЖД сүңгуірлерінің Самар ауданындағы іздеу жұмыстары аяқталды
Бүгін сағат 10.00-де ШҚО ТЖД сүңгуірлері 1950 жылы туған суға батып кеткен әйелдің денесін тауып алды, деп хабарлайды Устинка LIVE тілшісі ШҚО ТЖД баспасөз қызметіне сілтеме жасап.
Жазатайым оқиға 6 желтоқсанда Казнаковка су өткелінде орын алған еді. Мұз үстімен болған көлік суға кеткен. Ішіндегі 4 адам өздігінен шығып, 72 жастағы әйел шыға алмай, суға батып кеткен.
ТЖ қызметкерлері барлығы 9 рет су астына сүңгіді. Сүңгуірлердің жұмысын аяз және су астындағы көзге түрткісіз қараңғылық қиындатты, мамандарға қолмен ұстап, сипау арқылы жұмыс істеуге тура келді. Іздеу жұмыстарын жұргізу орнындағы тереңдік шамамен 20 метр. Барлығы жеке құрамнан 23 адам мен 7 бірлік техника жұмылдырылды, - делінген ШҚО ТЖД ақпаратында.
