Өскемен мен ШҚО Өскеменде есірткі жеткізушілер 3 келіге жуық синтетикалық есірткімен ұсталды
Барлығы 2654 грамм есірткі заты тәркіленді, ол 9 мыңға жуық дозаны құрайды
Есірткі қылмысына қарсы іс-қимыл басқармасының қызметкерлері ШҚО аумағында ЖІІШ жүргізуде, деп хабарлайды Устинка LIVE тілшісі ШҚО ПД баспасөз қызметіне сілтеме жасап.
ШҚО аумағында Есірткі қылмысына қарсы іс-қимыл басқармасының қызметкерлері ЖІІШ жүргізген кезде есірткіні жеткізумен айналысып жүрген облыс орталығының тұрғыны ұсталып, одан жалпы салмағы 498 грамм "Альфа-РVP" психотроптық заты тәргіленген.
Әрі қарай іс-шаралар нәтижесінде есірткіні тасымалдауға, сақтауға және таратуға күдікті Талдықорған қаласының тұрғыны өңірлік курьер анықталды және ұсталды, - делінген ақпаратта. - Жүргізілген санкцияланған тінту нәтижесінде ұсталған адамнан жалпы салмағы 2156 грамм "Альфа-РVP" психотроптық заты табылды және тәркіленді.
Барлығы 2654 грамм есірткі заты тәркіленді, ол өте үлкен және 9 мыңға жуық дозаны құрайды.
Ұсталғандар уақытша ұстау изоляторына қамауға алынды.
Аталған факті бойынша ҚР ҚК-ның 297-бабы 3-бөлігі бойынша сотқа дейінгі тергеу жүргізілуде.