ШҚО полицейлері несиесін төлеуден жалтарып жүрген борышкерді анықтады

Өскемен қаласы Полиция басқармасының Көші-қон қызметі бөліміне облыстың 43 жастағы тұрғынынан 6 004 746 теңге мөлшерінде борыш өндіріп алу туралы жеке сот орындаушысының қаулысы келіп түскен, деп хабарлайды Устинка LIVE тілшісі ШҚО ПД-ға сілтеме жасап.

Полиция ақпаратына сүйенсек, азаматша ағымдағы жылдың маусым айынан бастап несие корпорациясының қарызын төлеуден жалтарып жүрген.

Көші-қон қызметінің қызметкерлері іздестіру іс-шаралары барысында қарызын төлемеген әйел адамның облыс аудандарының бірінде жүргенін анықтаған. Енді сот орындаушылары қарызды өндіріп алумен айналысады, - делінген мекеме таратқан ақпаратта.

Жалпы жыл басынан бері ШҚО Полиция департаменті 80-астам борышкерді анықтаған.

ШҚО ПҚД көші-қон қызметі атқарушылық құжатты орындамағаны үшін Заңмен ҚР ӘҚБтК-ның 669-бабы бойынша әкімшілік жауапкершілік және ҚР ҚК-ның 139-бабы бойынша қылмыстық жауапкершілік көзделгенін ескертеді.