Өскемен мен ШҚО Skills UP Жастар хакатонының ақтық сайысына ШҚО-дан үш команда аттанады
Д. Серікбаев атындағы ШҚТУ базасында Қазақстан Республикасындағы Біріккен Ұлттар Ұйымының Даму бағдарламасының ұйымдастыруымен Skills UP Жастар хакатоны өтті
Хакатон Қазақстанның 4 өңірінде, Өскемен, Қарағанды, Түркістан және Ақтау қалаларында ұйымдастырылған, деп хабарлайды Устинка LIVE сайты Д. Серікбаев атындағы ШҚТУ-дың баспасөз қызметіне сілтеме жасап.
Шығармашылық және техникалық қабілетті жетілдіріп, ойлап табу қасиетін арттыратын, жаңа ғасырдың технологиясын дәріптейтін сайыс жастардың ойындағы мүмкіндіктерді бойына дарытуды көздейді.
Хакатон қорытындысы бойынша өңірден жеңімпаз 3 команда анықталды. Олар: Д. Серікбаев атындағы Шығыс Қазақстан техникалық университетінің "Защита" командасы, Аягөз қалалық көпбейінді мектеп гимпанзиясының "Bumblebee" және Физика-математика бағытындағы Назарбаев Зияткерлік мектебінің (Семей қ.) "Slay" командалары.
Байқаудың қорытынды сайысы Ұлттық білім апталығы аясында Алматы қаласында өтеді. Әрбір өңірден үш команда іріктеліп, ақтық сайыста ел көлемінде жиналған 12 команда сайысады. Бас жүлде - жеңіске жетелеген стартапты жүзеге асыруға 12 000$ грант.
Айта кету керек, Skills UP Жастар хакатонына 16 жастан бастап қатысуға рұқсат.
