ШҚО-да ертең қар жауады

"Қазгидромет" филиалының ақпаратына сәйкес, облыстың солтүстігінде, шығысында тұман, көктайғақ, бұрқасын күтіледі, деп хабарлайды Устинка LIVE тілшісі.

Оңтүстік-батыстан соғатын жел солтүстік-батысқа ауысады, түнде облыстың солтүстігінде, шығысында, орталығында екпіні 15-20 м/с дейін жетеді.

ШҚО ТЖД осыған байланысты барынша сақ болу және қырағылық таныту қажеттігін ескертеді. Жүргізушілерге дауылды ескертуге немқұрайлы қарамай, жолда жылдамдық режимі мен қашықтықты сақтауға шақырады.

Автожолдардың жай-күйі, дауылдық ескерту туралы ақпаратты "Дәрмен" тегін мобильді қосымшасынан да білуге болады.

Төтенше жағдай туындаған жағдайда шұғыл қызметтерге "112" телефоны бойынша хабарлаңыз.