Өскеменде ең жақсы абаттандырылған аула анықталады

Шаһардағы ең үздік аула бір айдың ішінде таңдалатын болады, деп хабарлайды Устинка LIVE тілшісі.

Байқау 2 кезеңмен өтеді. 12 қазаннан бастап 11 қарашаға дейін «Аумақтық басқару орталығы» коммуналдық мемлекеттік мекемесі филиалдары іріктеу жүргізеді. Кейін іріктелген аулалар байқауға қатысуға өтінім жібереді. Ал екінші кезеңде байқаудың қорытындысы шығарылады. Арнайы құрылған жұмыс тобы фотоматериалдарды бағалап, аулаларды аралайды, - делінген жергілікті әкімдік таратқан хабарламада.

Байқауға конкурстық комиссияға өтініш берген кондоминиум объектісін басқару органдарының барлығы қатыса алады.

Байқаудың ережесімен әкімдіктің ресми сайтында танысуға болады (https://www.gov.kz/memleket/entities/vko-oskemen/press/news/details/441936?lang=kk).

Өтініштерді қабылдау мен қосымша ақпарат алу үшін 60-95-28 нөміріне хабарласыңыз немесе otdel_jilich.inspek@mail.ru поштасына жазыңыз.