Өскемен мен ШҚО Ұлан ауданында қызметте жүрген полицияны әріптесі өлтірді ме?
ШҚО-да полиция қызметкері жұмбақ жағдайда көз жұмды. Басты күдікті – қасында бірге болған әріптесі
Әзірге ештеңе белгісіз, тергеу жүріп жатыр, деп хабарлайды Устинка LIVE тілшісі.
10 қазан күні "Алматы-Өскемен" тасжолының Ұлан ауданындағы учаскесінде қызметте жүрген полицей көз жұмған.
ШҚО полиция департаменті баспасөз қызметінің мәліметінше, аталған факті бойынша ҚР Қылмыстық Кодексінің 99-бабы 1-бөлігіне сәйкес сотқа дейінгі тергеу амалдары басталды.
Қазіргі уақытта тиісті сараптамалар тағайындалды. Оқиғаның мән-жайы анықталып жатыр. Күдікті ретінде марқұммен бірге болған 36 жастағы әріптесі ұсталып, изоляторға қамауға алынды. Сол жерге облыс прокуроры, полиция департаментінің бастығы, ішкі қауіпсіздік басқармасының бастығы және ІІМ әкімшілік полиция комитетінің өкілі барды. Қылмыстық істің тергелуі ҚР Ішкі істер министрлігінің ерекше бақылауына алынған, - делінген ақпаратта.