ШҚО-дағы тасжолдардың бірі уақытша жабылды

Өскемен-Таулы Үлбі-Солтүстік тасжолының 37 шақырымында су құбырын ауыстыру жұмыстары жүргізілмек, деп хабарлайды Устинка LIVE тілшісі.

Облыстық Полиция департаменті баспасөз қызметінің мәліметіне сүйенсек, соған байланысты 28-30 қыркүйек аралығында аталған тасжолдың 31-ден 37 шақырымына дейінгі учаске барлық көлік құралдары үшін жабық болады. Көлік жүргізушілері елді мекендерге, лагерьлерге және демалыс базаларына "Өскемен-Алтай-Рахман қайнары" тасжолы арқылы бара алады.

Осы ретте өңір жұртшылығына жүрер жолды алдын ала жоспарлап, енгізілген тыйымдарға түсіністікпен қарауды сұраймыз, - деп хабарлады ведомство өкілдері.