Өскемен мен ШҚО ШҚО тұрғыны даладағы жерқоймаға құлап кеткен
Өскемен қаласындағы Громов көшесінің қарт тұрғыны далада орналасқан жерқомаға құлап, құтқарушылардың көмегімен шығарылды
Фото:
ШҚО ТЖД баспасөз қызметінен
Оқиға таңғы сағат тоғыздар шамасында орын алған, деп хабарлайды Устинка LIVE тілшісі ШҚО ТЖД ақпаратына сүйеніп.
Жерқоймаға түсіп келе жатып құлап қалған 76 жастағы қария өздігінен шыға алмай, көмек сұрап айғайлаған. Дауысты естіген куәгерлер құтқарушыларды шақыртқан.
Құтқару арқанының көмегімен ер адамды абайлап сыртқа көтеріп шығардық. Жедел жәрдем қызметкерлері жарақаты жоқ деді. Тек аяғы қатты ісіп кеткен, - дейді ШҚО ТЖД мамандандырылған жасақ құтқарушысы Дастан Жабағинов.
Төтенше жағдай кезінде 112-ге хабарлау қажеттігін еске саламыз.