Өскемен мен ШҚО Өскемендегі әуежай басшылығына айыппұл салынды
Әуежай басшылығы 480 АЕК айыппұл түріндегі әкімшілік жауапкершілікке тартылды
Бұл туралы ҚР ИИДМ-нің Азаматтық авиация комитеті мәлімдеді, деп хабарлайды Устинка LIVE тілшісі.
Айыппұл жүргізілген тексеріс нәтижесінде салынып отыр.
"Қазақстанның авиациялық әкімшілігі" АҚ ағымдағы жылғы 22-23 тамыз аралығында "Өскемен әуежайы" АҚ қызметінің авиациялық қауіпсіздігі бойынша Қазақстан Республикасының әуе кеңістігін пайдалану және авиация қызметі саласындағы заңнамасының талаптарына сәйкестігі тұрғысынан жоспардан тыс инспекциялық тексеру жүргізді, - делінген ведомство таратқан ақпаратта. - Тексеру нәтижелері бойынша жүйелі сипатқа ие авиациялық қауіпсіздік талаптарының бірқатар бұзушылықтары анықталды. Авиациялық қауіпсіздік талаптарын бұзғаны үшін және "Қазақстан Республикасының әуе кеңістігін пайдалану және авиация қызметі туралы" Қазақстан Республикасы Заңының 107-бабына сәйкес әуежайдың бірінші басшысы және оның орынбасары - әуежайдың авиациялық қауіпсіздік қызметінің басшысы ҚР "Әкімшілік құқық бұзушылық туралы" Кодексінің 570-бабының 1 және 2-бөлігі бойынша жалпы сомасы 480 АЕК (735 120 тг) айыппұл түріндегі әкімшілік жауапкершілікке тартылды.
