Өскемен мен ШҚО Шығыс Қазақстанда дауылды ескерту жарияланды
Ертең ШҚО-ның таулы аудандарында жауын-шашын (жаңбыр, сулы қар) күтіледі
"Қазгидромет" ШҚ филиалының ақпараты бойынша, жел солтүстік-батыстан солтүстікке қарай солтүстік-шығысқа қарай ауысады, облыстың оңтүстігінде 15-20 м/с жылдамдықпен жел соғады, деп хабарлайды Устинка LIVE тілшісі.
Әр ауданында күнде өрт шығып жатқан шығыс халқы қазір жауынды күтіп отыр. Дегенмен екпінді жел де қауіп төндірерін естен шығармаған жөн.
Халық сақ болуы керек. Қатты жел соқса тез арада ғимаратқа тығылыңыз, желден үй қабырғаларында, аялдамаларда, билбордтардың жанында, ағаштардың астында жасырынбаңыз. Үзілген сымдар мен тербеліп тұрған бағандарға жақындамаңыз. Автокөлікті шіріген, ескі және жалғыз тұрған ағаштардың жанында қалдырмаңыз, - деп ескертеді ШҚО ТЖД.
Дауылды ескертулер туралы ақпаратты "Дәрмен" тегін мобильді қосымшасы арқылы білуге болады.
Бірыңғай құтқару телефоны - 112.
