Өскемен мен ШҚО Каменный карьер ауылындағы халық қауіпсіз жерге көшіріледі
Глубокое ауданындағы өртті сөндіруге ауа райы да кедергі келтіріп тұр
Фото:
ШҚО ТЖД баспасөз қызметінен
Құтқарушылар, жергілікті атқарушы орган және полиция қызметкерлері, Ұлттық ұлан сарбаздарының күші түгелдей Глубокое ауданындағы Каменный карьер ауылында өршіп тұрған тілсіз жауды ауыздықтауға жұмылдырылған. Шамамен өрт 60 га аумақты қамтиды. +35 градус ыстық пен 15 м/с дейінгі екпінді жел жұмыстарды қиындатып тұр.
ШҚО ТЖД баспасөз қызметінің мәліметінше, қазір ауылдағы жер үйлерде тұратын халықты көшіру туралы шешім қабылданған. Шамамен 50 адам қауіпсіз жерге жеткізілетін болады.
Өртті сөндіруге 500-ге жуық адам мен 50 техника жұмылдырылды. Айта кетейік, мұнда Ұлттық ұланның 200 сарбазы да жедел жеткен болатын.