Өскемен мен ШҚО ШҚО халқы Қостанай облысына гуманитарлық көмек жинауда
Кеше ШҚО-ның әр қаласы мен аудан орталықтарында өрттен зардап шеккен қостанайлықтарға көмек жинау үшін қабылдау пунктілері ашылған болатын
AMANAT партиясы Шығыс Қазақстан облыстық филиалының гуманитарлық пунктіне шығысқазақстандықтардан Қостанай облысында зардап шеккен жерлестерімізге көмектер жиналуда, деп хабарлайды Устинка LIVE тілшісі.
Кешеден бері AMANAT партиясының облыстық филиалында және аудандар мен қалалардағы барлық филиалдарда Қостанай облысындағы өрттен зардап шеккен тұрғындарға көмек көрсету бойынша жедел орталықтар ашылған болатын. Қазір аудандар мен қалалардағы жиналған заттар осында әкелінуде. Біраз уақыттан кейін арнайы көмек Қостанай облысына жіберілетін болады, - деді AMANAT партиясы Өскемен қалалық филиалының атқарушы хатшысы Арайлым Есімбекова.
Қазіргі таңдағы партияның облыстық филиалында орналасқан гуманитарлық пунктіге 2 тонна ұн, 30 кг қарақұмық, 1 тонна макарон, 50 кг күріш, 2 тонна күнбағыс майы. Сонымен қатар, бірінші қажеттілік заттары-минералды ауыз су 1 тонна, шай 95 қаптама, 25 дана электр шәйнектер және өзеге де гигиеналық заттар жиналды. Қостанайлық бауырларға гуманитарлық көмек жинау жалғасуда.