ШҚО-да салттық қызмет көрсету орталығының филиалы ашылмақ

Жерлеу, жаназа рәсімдерін осы заманға сай ықшамдау, салт-дәстүрмен үйлестіру мәселелерін бір ізді ету үшін осындай орталық құрылып отыр, деп хабарлайды Устинка LIVE тілшісі.

Жерлеу, жаназа рәсімдерін осы заманға сай ықшамдау, салт-дәстүрмен үйлестіру бүгінгі күннің басты талабы болып отыр. Осыған байланысты ҚМДБ жанынан "Qamqor-Sharapat" салттық қызмет көрсету орталығы құрылып, өз жұмысын бастап жатыр. ШҚО-ға қарасты мешітте осы орталықтың филиалдарын ашу, облыстық "Халифа Алтай" мешітінен арнаулы жаназа рәсімін өткізетін алаң белгілеу, Өскемен қаласы маңынан зираттық жер телімін алу, болашақта мүрдені сақтайтын, арулайтын орталық салу жобасы қолға алынуда, - деді ШҚО "Халифа Алтай" мешітінің бас имамы Ермек қажы Мұқатай. - Осы бағыттағы түсіндірме жұмыстарымен Күршім ауданы ақсақалдарымен кездесіп, жаназа рәсімдерін бір ізге түсіру, ас-науқандарда ысырапты мейлінше азайтуға насихат жасадық. Күршімдік қариялар жерлеу рәсімдерін заманмен үйлестіріп, оңтайландыру кезегі жеткен мәселе деп бағалады.