Биыл ШҚО-да 5 жаңа мектеп ашылады

Облыстық білім басқармасы басшысының міндетін атқарушы Алима Ақылбек мектептердің жаңа оқу жылына дайындығы қалай жүріп жатқанын мәлімдеді, деп хабарлайды Устинка LIVE тілшісі.

Алима Ақылбектің сөзіне сүйенсек, биыл 40 мектеп жөнделді. Тағы 20 білім мекемесінде модификация кабинеті болады. Сондай-ақ жаңа оқу жылында бес жаңа мектеп (1370 орын) ашылады.

Қазіргі уақытта облыс аумағында 342 мектеп бар, 95 мыңнан астам оқушы білім алады. Биыл 9 728 бала мектеп табалдырығын алғаш рет аттайды. Жалпы мектепке дейінгі ұйымдар саны – 200. Оның ішінде 85 ұйым – жекеменшік. 3 жастан 6 жасқа дейінгі балаларды мектепке дейінгі тәрбиемен қамту – 100%, 2 жастан 6 жасқа дейін – 97,7% болады, – деді ол.