ШҚО-дағы ауылдардың біріндегі малға аю шапты

Ұлан ауданының тұрғыны сиырын аю жарып кеткеніне шағымданған, деп хабарлайды Устинка LIVE тілшісі ҚазАқпарат сайтына сілтеме жасап. ШҚО табиғи ресурстар және табиғат пайдалануды реттеу басқармасының мәліметіне сүйенсек, оқиға орнына барған комиссия мүшелері жануар терісінің қалдықтарын, кемірілген сирақтарын тапқан.

Сиырды аю өлтірді деп нақты айтуға келмеді. Ол өлген жануарды жеп кетуі мүмкін. Бір ай өткен соң сол азамат жыртқыш аңның тағы да малына шабуыл жасағанын айтты. Бұл жолы ер адам өлген сиырдың суретін жіберді. Осы жолы малға аю шапқаны көрініп тұр, - деді басқарманың орман және аңшылық шаруашылығы бөлімі жедел әрекет ету жасағы басшысының орынбасары Василий Ткаченко.

Қазіргі уақытта сол жерге тағы да комиссия мүшелері аттанды. Сиырдың өлексесі Манат ауылына барар жолдың маңынан табылған.