Өскемен мен ШҚО Өскемендік Мәлика көпті таңғалдырды
Өскемен қаласында әйелдер арасында теннистен халықаралық турнир өтіп жатыр
Өскеменде өтіп жатқан ITF World Tennis Tour W25 турниріне ТМД, Азия және Европа спортшылары келген, деп хабарлайдыУстинка LIVE тілшісі Қазақстан теннис федерациясына сілтеме жасап. Ал бұл жарыстың бас демеушісі теннис спортының дамуына ұзақ уақыт бойы қаржылай қолдау білдіріп келе жатқан "Казцинк" компаниясы.
Қазақстан теннис федерациясынан мәлім еткеніндей, жүлде қоры 25 мың АҚШ долларына бағаланған жарыстың іріктеу сатысында өскемендік, 14 жастағы Мәлика Әмірғалиева тамаша өнер көрсетті. Мәлика WTA рейтингісінде жоқтығына қарамастан, іріктеу сайыстарының финалында әлемнің 1990-ракеткасы, ресейлік 18 жастағы Николь Мишиеваны 6:1, 6:4 есебімен ұтып кетті.
Сөйтіп, негізгі турнирге жолдама алды. Осылайша, Kazzinc Open жарысында бес бірдей қазақстандық спортшы, атап айтқанда, Жібек Құламбаева, Гөзал Айнитдинова, Мария Синицына (уайлд кард), Татьяна Николенко (уайлд кард) және Мәлика Әмірғалиева бақ сынайды.
