Өскемен мен ШҚО Өскемен тұрғыны марихуанамен ұсталды
Өскемен қаласы ПБ Үлбі ПБ криминалдық полиция бөлімінің қызметкерлері Өскемен қаласының 31 жастағы тұрғынынан 50 грамға жуық марихуана тәркіледі
Космическая көшесін патрульдеу кезінде тәртіп сақшылары өзін ұстауы күдік тудырған ер адамға назар аударды. Полиция қызметкерлерін көрген соң, жүрісін тездетіп, жасырынуға тырысқан, деп хабарлайды Polisia.kz.
Жеке тінту нәтижесінде құқық қорғау органдары ұсталған адамнан өсімдік тектес заты бар полиэтилен пакет пен жасыл түсті заты бар қағаз түйіншекті тауып алып, тәркіледі. Тәркіленген заттар сараптамаға жіберілді. Жүргізілген сараптама қорытындысына сәйкес, зерттеуге ұсынылған заттар жалпы салмағы 46,16 грамм кептірілген марихуана есірткісі.
Аталған факті бойынша қылмыстық кодекстің 296-бабы 2-бөлігі (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) бойынша сотқа дейінгі тергеу жүргізілуде.