Өскемен мен ШҚО Өрттің шыққаны үшін ескертусіз айыппұл салынады
Енді Төтенше жағдай департаменті өрт ошақтарын дрон арқылы бақыламақ
Өрт қауіпсіздігін сақтамағаны үшін ескерту берілмей, бірден айыппұл салынатын болды.
Жазаны қатайтуға өңір аумағында қураған шөптердің жануы жиілеп кетуі себеп болып отыр. Себебі тұрғындар саяжай учаскелерінде қоқыс өртеп, ережелерді сақтауға асықпайды, - дейді ШҚО ТЖД мамандары.
Кезекті рейд барысында құтқарушылар тұрғындарға ескерту жасамай, бірден айыппұл салатын болады. 336-бап бойынша әкімшілік жауапкершілік 20 АЕК-ке дейінгі мөлшерде айыппұл салуды көздейді. Бұл 60 мың теңгенің шамасында.
Сонымен қатар, енді құтқарушылар заң бұзушыларды анықтау үшін төбедеге дрон жіберу арқылы өрттің ошақтарын анықтайтын болады.
Егер ТЖД мамандары отты абайсыз пайдалану ауыр зардаптарға әкеп соққан немесе залал келтірген, бөтен мүлікті жойғаны немесе бүлдіргенін анықтаса, 2000 АЕК дейінгі мөлшерде айыппұл салады немесе түзеу жұмыстары арқылы жазалайтынын атап өтті.
Айта керу керек, бір тәулік ішінде өрт сөндірушілер өртенген шөпті сөндіруге 30 рет шықты. Жануды жою үшін 100 тонна су жұмсалды.
