Өскемен мен ШҚО Қазақстанда Жоғары аудитор лауазымы пайда болды
Жоғары аудиторлы палата Есеп комитетін алмастыратын болады
Референдумда қабылданған Ата заңға сәйкес, енді Есеп комитеті тарих қойнауына кетіп, мемлекетте Жоғары аудиторлық палата (ЖАП) құрылуға тиіс. Оның төрағасын – Жоғары аудиторды Президент тағайындайды. Палата төрағасы бұл лауазымын 5 жыл атқарады, Мемлекет басшысына ұнаса, оның мерзімі тағы 5 жылға ұзартылады.
Мәжіліс Жоғары аудитордың есебін жылына екі рет тыңдайды. Егер Жоғары аудитордың есебі мәжілісмендерге ұнамаса да, олар оны лауазымынан босата алмайды. Парламентте ондай құзыр жоқ. Парламентшілердің қолынан келетіні – Мәжіліс пен Сенаттың әрқайсысы ЖАП-тың үш мүшесін 5 жыл мерзімге қызметке тағайындау.
