Өскемен мен ШҚО Өскемен қаласындағы жөнделіп жатқан жолдардың бүгінгі жайы қандай?
Өскемен қаласының әкімі шаһардағы абаттандыру және инфрақұрылымды дамыту бойынша жұмыстар жүргізіліп жатқан көшелерді аралап, жұмыс барысымен танысып қайтты
Қазіргі уақытта Красин көшесіндегі орташа жөндеу жұмыстары аяқталуға шақ қалды.
Сәтпаев даңғылы мен Жастар көшесі арасындағы автожолда асфальттың соңғы қабаты төселуде. Одан кейін мердігер тротуарды бастайды. Ал Грузинская көшесіндегі тротуар салу жұмыстары аяқталып қойды, - деп мәлімдеді Өскемен қаласының әкімдігі.
Бұл жұмыстар қала тұрғындарының бастамасымен "Халық қатысатын бюджет" жобасы аясында жүзеге асырылып отырғанын еске сала кетейік.
Жергілікті деңгейде 2020 жылдан бастап республикалық, облыстық маңызы бар қалаларда және астанада "Халық қатысатын бюджет" іске асырылып келеді. "Халық қатысатын бюджетті" енгізудің мақсаты - жергілікті атқарушы органдардың оны қалыптастыру аясында жергілікті бюджет қаражатын бөлу кезінде халықтың ауқымды қатысуын қамтамасыз ету.
Атап айтқанда, тұрғындардың қаланы абаттандыруда жергілікті бюджет қаражатын бөлуге қатысуға мүмкіндігі бар. Осы орайда аумақты көгалдандыру, тротуарларды, пандустарды, арықтарды салу және жөндеу, ортақ пайдалану орындарын құру, жөндеу және жарықтандыру, бордюрларды, қоқыс тастайтын жерлерді жою, ортақ пайдалану орындарында күркелер, орындықтар, урналар және балалардың ойнауы және ересек тұрғындардың демалуы үшін жабдықтар мен конструкциялар орнату, балалар ойын алаңдарын орнату, жөндеу және жарықтандыру ескерілген.
