Өскемен мен ШҚО Өскеменде мини-футболдан чемпионаты өтті
Үш облыстан жиналған әуесқой командалардың чемпионаты дәстүрлі шараға айналуы мүмкін
8-10 шілде аралығында Өскеменде алғаш рет мини-футболдан "ALTAY CHAMPIONS CUP" чемпионаты өтті, деп хабарлайды Устинка LIVE тілшсі.
Бұл тамаша іс-шараға Қазақстанның үш облысынан әуесқой командалар жиналды. Ойын жуықта ғана қайта құру жұмыстары жүргізілген “Алтай” стадионында ұйымдастырылды.
Үш күнге созылған жарыс спортқа деген сүйіспеншілікке, қайтпас рух пен жалынды жігерге толы болды. Еліміздің түрлі өңірлерінен келген барлық футболистерге турнирге қатысқандары үшін алғыс білдіремін. Бұл турнир алдағы уақытта Өскеменнің визит картасына айналуы мүмкін, - деді Өскемен қаласының әкімі Жақсылық Омар.
Ойыншылардың да, жанкүйерлердің де оң пікірлерін ескере отырып, келесі турнирді осы күзде өткізу туралы шешім қабылданды.
