Өскемен мен ШҚО "ЦОН-дардың" жұмыс кестесі өзгереді
Өскемен және Семей қаласындағы кезекші халыққа қызмет көрсету орталықтарының жұмыс кестесі 1 шілдеден бастап өзгереді
Енді халыққа қызмет көрсету орталықтары мереке күндерін қоспағанда, сенбі күні сағат 9.00-ден 13.00-ге дейін жұмыс істейді. Жұмыс күндері олардың жұмыс кестесі өзгеріссіз қалады -9.00-ден 20.00-ге дейін.
ХҚО-ның басқа бөлімдері дүйсенбі-жұма күндері сағат 9:00-ден 18:00-ге дейін стандартты кесте бойынша жұмысын жалғастырады.
Жаңа жұмыс кестесі Халыққа қызмет көрсету орталықтары жұмысының тиімділігін арттырады деп сенеміз. Сондай-ақ мемлекеттік қызметтерді "ХҚО" қосымшасы арқылы, eGov порталында, EgovKzBot2.0 телеграм-ботында, Egovmobile қосымшасы арқылы да онлайн режимде алуға болатынын еске саламыз, - деп бөлісті "Азаматтарға арналған үкімет" ШҚО бойынша филиалының баспасөз қызметі.
Айта кетейік, кезекші ХҚО-лар тек облыс орталықтарында ғана бар.
Кезекші ХҚО-тардың мекенжайлары:
1. Өскемен қ., Белинский к-сі, 37а;
2. Семей қаласы, Б.Момышұлы көшесі 22.