Өскемен мен ШҚО Ауылдарда салынып жатқан нысандар мерзімінен кешікпей бітуі керек
Бүгін ауылдарда әлеуметтік-мәдени нысандар салу мәселесі жөнінде кеңес өткізген облыс әкімі Даниал Ахметов осылай мәлімдеді
Аудан әкімдері мердігер ұйымдармен жұмысты жандандыруы, сондай-ақ міндетті түрде әрбір объект бойынша жұмыс және қаражатты игеру кестесін жасауы тиіс, - деді Даниал Ахметов.
Қазір Топқайың ауылында клуб, дәрігерлік амбулатория және Қалжыр ауылында спорт модулінің құрылысы жүріп жатыр. Сонымен қатар, Бозанбайда, Таврияда, Айыртау мен Марқакөлде дене шынықтыру-сауықтыру кешенінің және Үлкен Нарын ауылында бассейн құрылысы қарқынды жүруде.
Ауылдар үшін шын мәнінде маңызды осы объектілерді тапсыру мерзімі-2022 жыл. Сондықтан мен құрылыс басқармасына әр нысанға барып, құрылыстың сметаларын, жұмыс кестелерін және шарттарын тексеруді тапсырдым. Осы салада біз мерзімнен кешікпеуіміз керек және бұзушылыққа жол бермеуге тиіспіз, - деді облыс әкімі.