Бесқарағай ауданында найзағай түсіп орман өртенді

Кеше 18.45-те Грачи ауылынан 15 км қашықтықта орманда өрт шықты. Өрт ауданы шамамен 280 га құрады (оның ішінде 150 га орман аймағы және 130 га ауылдық округ жерлері). 

Қазіргі таңда өрт сөндірушілер жалынның жайылуын тоқтатты. Елді мекендерге қауіп жоқ.

Өрттің алдын ала себебі - найзағай. Өртті жоюға ШҚО ТЖД-ның 8 бірлік техникасы мен 37 қызметкері, орман шаруашылығынан 25 бірлік техникасы мен 60 қызметкері жұмылдырылды, - деп мәлімдеді ШҚО ТЖД баспасөз қызметі.

ШҚО ТЖД табиғи өрттердің алдын алу мақсатында мыналарға тыйым салынатынын ескертеді:

- орманда жанып тұрған сіріңкелерді, темекі тұқылдарын, бықсыған шүберектерді лақтыруға;
- қалың бұталар мен қылқан жапырақты жас өскіндерде, ағаштардың астында от жағу,
- орманда өздігінен жанатын материалды қалдырмаңыз: күн ыстық күндері құрғақ өсімдіктердің тұтануына әкеп соғады мүмкін майға, бензинге малынған шүберектерді және шыны ыдыстарды қалдыруға,
- желді ауа райында от жағуға және оны қараусыз қалдыруға, сондай-ақ кеткен кезде сөндірілген отты қалдыруға жол берілмеу керек.

Егер сіз өртті байқаған болсаңыз, дереу "101" нөміріне қоңырау шалыңыз.