Өскемен мен ШҚО "БОРЫШКЕР": ШҚО-да жол ережесін бұзған жүргізуші 1,5 миллион теңге қарызға батты
13 маусымнан бастап Шығыс Қазақстан облысының аумағында "Борышкер" жедел алдын алу іс-шарасы өткізілуде
Аталған іс-шара жасалған құқықбұзушылық үшін жазаның бұлтартпастығы қағидатын қамтамасыз ету, сондай-ақ әкімшілік құқықбұзушылық туралы істер бойынша қаулыларды уақтылы орындау мақсатында өткізіледі.
Шараның алғашқы күні Өскемен қаласының 26 жастағы тұрғыны жол қозғалысы ережелерін үнемі бұзғаны анықталды. Жүргізуші жалпы сомасы 1 600 000 теңгеге 79 әкімшілік айыппұл жинақтаған. Тәртіп бұзушының автокөлігі қарызын толық өтегенге дейін арнайы тұраққа қойылды, - деп атап өтті ШҚО ПД бастығының бірінші орынбасары полиция подполковнигі Елдос Закимов.
Айта кетейік, "Борышкер" жедел алдын алу іс-шарасын өткізудің бірінші күні тәртіп сақшылары пәтерлерді және үйлерді аралап, жалпы сомасы 17 млн теңге болатын әкімшілік айыппұлдар бойынша берешегі бар 2000-нан астам азаматқа ескерту жасады.
"Борышкер" жедел алдын алу шарасы 15 маусымға дейін жалғасады.