Экзотикалық курортта инфекция жұқтырмас үшін не істеу керек?

Осыған байланысты, Шығыс Қазақстан облысының Санитариялық-эпидемиологиялық бақылау департаменті әрбір елде өзіне тән жиі кездесетін жұқпалы ауруларының (мысалы, тырысқақ немесе Батыс Ніл қызбасы) тізбесі бар екенін еске салады.

Экзотикалық және эндемикалық инфекциялар қауіпті елдерге барған кезде нені білуіңіз қажет?

• Республикадан тыс жерлерге шығар алдында интернет арқылы немесе құзыретті органдардан, баратын елдің инфекциялық аурулары бойынша эпидемиологиялық жағдай туралы, елге келу ережелерімен (кронавирустық инфекцияға ПТР тестінің болуы/вакцинациялау паспортының болуы) танысыңыз
• адамдар көп жиналатын орындарға барудан аулақ болу, сондай-ақ ауа-тамшылы және байланыс арқылы берілуінен қорғау шараларын пайдалану қажет
• респираторлық аурулардың белгілері бар адамдармен жақын байланыста сөйлесуден аулақ болу керек
• ауру белгілері бар адамдармен байланыста болған кезде (жөтел, түшкіру) әр 2-3 сағат сайын бір реттік бетперделерді ауыстрып қолданыңыз
• саяхат кезінде үйден тыс жерде тиімді репелленттерді қолдану. Ашық кеңістікте болған кезде дененің ашық бөліктерін мүмкіндігінше жабатын жеткілікті тығыз матадан жасалған киім кию керек.
• су ішер алдында кездейсоқ су көздерінен ішпеңіз және тұрмыстық мақсаттарға (көкөністерді, жемістерді, ойыншықтарды және басқа заттарды жууға) тек қайнатылған немесе бөтелкедегі суды ішіңіз, қолданыңыз
• әртүрлі сусындарды салқындату үшін мұзды пайдаланудан аулақ болыңыз
• ұйымдастырылған демалыс үшін рұқсат етілген су айдындарында шомылуға, су айдындарынан, әсіресе аш қарынға суды жұтуға болмайды
• теңіздің, мұхиттың және басқа да су объектілерінің (көлдер, өзендер және т. б.) шикі және жеткіліксіз термиялық өңделген өнімдерін пайдаланбау
• көшедегі және басқа да кездейсоқ саудагерлерден сатып алынған тамақ өнімдерін, жемістер мен көкөністерді жеуге болмайды
• қышқылдандырылған (лимон қышқылы) суды, шырындарды қолданған жөн
• қолды сабынмен жиі жуу, лас қолды көзге, мұрынға және ауызға тигізбеу, егер қолыңызды жуу мүмкін болмаса, дәріхана желісінде еркін сатылатын қол гигиенасы үшін дезинфекциялық құралдарды қолдану керек
• тұз тапшылығын толтыру үшін регидрон, смекта сияқты дәрі-дәрмектердің аз мөлшерін өзіңізбен бірге алып жүруіңіз керек. Егер жағдай бақылаудан шығып кетсе, сапар туроператорларына хабарласу қажет.

Туристік сапардан кейінгі алғашқы бірнеше аптада әлсіздік белгілері (қызба, ішек бұзылулары, жөтел және т.б.) пайда болған кезде тексеру және емдеу үшін дереу медициналық мекемелерге жүгіну қажет. Диагнозды тезірек анықтау үшін медицина қызметкеріне науқастың демалған жері туралы хабарлау керек.