Өскемен мен ШҚО ШҚО-да Ұлттық ұланның "Әскери керней" оркестрлар байқауы өтті
Өскеменде Қазақстан Республикасы Ұлттық ұлан Бас қолбасшысының жүлдесі үшін әскери оркестрлер арасында дәстүрлі түрде өткізіліп келе жатқан халықаралық дәрежедегі "Әскери керней" байқауы өтті
Байқауға "Шығыс"өңірлік қолбасшылығының үздік оркестрлар ұжымы қатысты. Атап айтқанда, Өскемен қаласының 5518, Семейдегі 5511 және Павлодардағы 5512 әскери бөлімдері қатысты.
Бұл күні әскери оркестр ұжымдары классикалық музыкадан бастап поп жанрындағы туындыларын ұсынды.
Бағдарлама екі кезеңнен тұрады.Біріншісінде оркестрлер өздерінің саптық дайындығын көрсететін дефиле плац-концерті және екінші кезеңде концерттік бағдарламада өздерінің музыкалық таланттары мен оркестрдің шеберлігін көрсетті, -дейді 5518 әскери бөлімінің оркестр дирижері майор Максим Наговицын.
Қазақстан Республикасы Ұлттық ұланының "Әскери керней байқауы" осымен 11 жыл қатарынан өткізіліп жатқанын атап өту қажет.Осы уақыт аралығында тек біздің мемлекетіміздің оркестрлары ғана емес, Қытай, Ресей сынды бірқатар елдер де қатысқанын атап өту керек.
Сондай-ақ, әскери оркестрлар Өскемен Этно саябағында қала тұрғындары мен қонақтарына арналған плац-концерт қойды.Оркестрлар тек әскери әуендерді ғана емес, сонымен қатар классикалық және халықтық, эстрадалық әуендерді шырқап, парад-дефиле көрсетті.
Екі кезеңнен тұратын "Әскери керней" байқауының финалы Нұр-Сұлтан қаласында өтеді.