ШҚО әкімі мәдениет қызметкерлерін құттықтады

Бүгін елімізде мәдениет және өнер қызметкерлері өздерінің кәсіби мерекелерін атап өтуде.

Мәртебелі мамандық иелері жыл сайын отандық мәдениет пен өнердің дамуына, рухани байлығымыздың еселене түсуіне өлшеусіз үлес қосып келеді. Олардың арқасында өміріміз ән мен күйге бөленіп, әрлене түсуде. Шығыс Қазақстан – танымал ақын-жазушылардың, отандық әншілер мен әртістердің, театр майталмандарының мекені. Сондай-ақ, шығармашылық ұжымдар мен кітапханашылар, мұражай мен мәдениет үйлерінің қызметкерлері де өз істерінде үздік атанып келеді. Халықаралық, облыстық деңгейде өтіп жатқан ғылыми-мәдени жаңалықтарға ұйытқы болып, облыс мәртебесін асқақтатып отыр. Барша мәдениет пен өнер қызметкерлерін кәсіби мерекелерімен құттықтаймын. Сіздерге сарқылмайтын шабыт пен өнер жолында жаңа табыстар тілеймін! – деді аймақ басшысы.