Өскемен мен ШҚО Өскемен-Риддер жолындағы апатта "Тойота" жолаушысы зардап шекті
Бүгін таңкертең қала шетіндегі тас жол бойында екі жеңіл көлік соқтығысты
Бүгін, 20 мамыр күні Өскемен-Риддер тас жолыының 83-ші шақырымында, Черемшанка ауылы маңында аса ауыр апат орын алды.
Куәгерлердің сөзіне сүйенсек, екі жеңіл көлік Toyota Ipsum пен Renault DUSTER бетпе-бет соқтығысқан. Апат салдарынан бір көлік тас жолдан ұшып кетті. Оқиға орнына Риддер қаласының жедел жәрдемі қызметі жетті.
Абыорй болғанда, көлік жүргізушілері аман. ШҚО Полиция департаменті бізге хабарлағандай, "Тойотада" отырған жолаушылардың бірі ауыр жарақат алып, Риддер қалалық ауруханасына жеткізілген.
Ал басқалары түрлі дене жарақаттарын алған.
Осы орайда айта кетейік, діл осы жолмен жүретін жүргізушілер жолдың жаман екенін, ой-шұңқыры көп, тіпті сағатына 60 км жылдамдықпен жүрудің өзі қорқынышты екенін айтады.20 мамыр күні 11.40-та Өскемен-Риддер тас жолының 83-ші шақырымында RENAULT DUSTER көлігінің жүргізушісі көлік тізгініне ие бола алмай, қарсы бетте келе жатқан TOYOTA маркалы көлігіне соғылған. Қазіргі таңда сот-медициналық сараптама тағайындалды, нәтижесінде процестік шешім қабылданатын болады, - деп хабарлады ШҚО ПД.
Следующая →
